" I' MUTOS DE SA NUGIGEDDA "

P R E S E N TA D A

Su cantu a muttu est praticàu in meda' logo' de Sardìnna e càmmia, dae una idda a s'àttera, solu po su modu ‘e dd'accumpagnare. Noso, in Dèsulu e in tottu' i' bidda' de su circunnàriu, dd'au' sèmpere connotu accumpagnàu dae unu sonettèddu a matrìpellasa, a otto o a pru' bàssoso, e sa fisarmònica a “iscal'a pianu”, est arribad'a pusti' meda.
Pare' ci is primo' sonèttese, siant'arribbàoso a i' bidda' nòstasa, bi-e su millenoegentoso. No' isso, peròsa, canno anta cumenciàu a ddos umperare po accumpagnare i' mùttoso, e isso solu ca de su muttu si nne chistiònada in Sardinna, tra s'accabbu ‘e 1700 e su cumènciu ‘e su 1800.
No isso nemancu, canno funt'arribbaos'a bidda is primo' sonettèddo' de ‘ucca: fuanta a una o a doppia nera, e manigiaoso, prus' che àtteru, dae sa gioventudedda piticca. Custu tipu ‘e cantu, finas'a una barantina ‘e anno' fàede in midda e non solu, paris' cun su ballu, fu manos'e pese de tottu su divertimentu. In cussos' tèmposo, coment'a' nau unu ciu, in Desulu cantànta finces'e is pèrdasa, e fu' raru s'òmine ci non s'issia' troboìre unu muttu, a tres' o a bàttero pese.
Calecunu muttu ddu cantànta fines'e i' fèminas'; ma, canno fùanta affatterionànno in nomo, cianniganno su pippiu, prugànno su trigu o issedecciànno sa farra, s'iffogànta cun su cantu ‘e ònnia fèmina: unu cantu pagu alìgru a duos' pese, ci tottus' praticànta po narre sa tristùra, su dolòre, s'affeciòne, is arregòdoso e i' surrùgnoso.
In àttero foèddoso, comente a' nau Tiu Montanaru:
“ fini tristos cantos meda antigos ”.
Si cantàda in'i' serenàdasa, in'i' dimànnasa, in'is'isposògnoso, e po sa leva nòa.
Is cantadòrese depiant'èsse' assumancu dùoso e su tema, fudi ed est, po is pago' ci ddu pràticant'ancora, sèmpere improvisàu, e seberau dae tottu cuddo' fàtto', bonos'o maloso, ci capitànta ini sa Idda. I' serenada' fattas'a i' bagadìa' non sèmpere fùanta de amore, podiant'esse' sottometafora, e calecuna òrta ddas' cantanta male ‘e su tottu.
Podìa' capitare c'in' sa matessi serenada, a calecuna dda cantanta ‘ene, e a calecun'àttera, comente si custumàia' narre', ddi liggìanta sa vida. I' muttoso, fùanta de augùriu in'isposògnoso, de làude canno si festad unu Santu, e de intercessiòne, guasi una pregadorìa, canno si cantad'a Deus'o a i' Santoso, po poder' accanciare una graci'a calecunu, o a tottu sa Comunidade.
Sa leva noa fud a fun'iscappa, difattisi, podia' cantare tottu' is tema' ci prima appo lumenau.
Is parte' de su muttu funti duasa: s'isterrimenta e s'amantadorgiu. Poded'essere de tres pese, a battero e a su ci isso, non ddu ad arregula po su massimu de i' versoso. Atteretantu poèèo narre' po su lumeru de i' sillabasa, ca podent'esse' sette, comente unnigi, e calecuna orta finces'e dogi. De importu mannu, est sa manera ‘e ddu cantare canno su muttu est fora de metrica ca, ci su cantadore portad unu bellu traggiu, nn'arrennessed'a dd'acconciare cantannoddu.
S'isterrimenta cumencia' cantanno su primu pè cun sa rima ‘e s'urtimu versu ‘e s'amantadorgiu, comente si pode' ibied'in custu muttu ci appo iscrittu a sutta:

“Millu millu oiggioi Isterrimenta.
E modu ‘e foeddare
Che a sa sarda mania.
Millu millu oiggioi,
Bos'invitto gente mia Amantadorgiu
Ogni moment'a cantare
I' mutto' de Nanni Gioi.”

Eni' torrau cantanno po primu su segunnu pè de s'isterrimenta:

E modu ‘e foeddare,
Bos invitto gente mia
I mutto' de Nanni Gioi
Ogni momentu a cantare.

Calecuna una orta, in occasione' de sa leva noa o de serenada', su muttu eniad arretrogau, forcisi ddu faianta po fae' pigare parte, a tottu sa cumpagnia a su cantu e a su divertimentu.
Su muttu est bellu e froriu, comente ddi nanta in calecuna idda ‘e ganta, canno su poeta, siad' isterremenno che amantanno, trattada argumento' finioso, e b'est prù bellu meda canno s'isterrimenta e s'amantadorgiu trattanta su matessi tema.
Custu crarimentu mi pared-e importu, non po gent-e s'edade mia ca custas' cosa' ddos'a' bivviasa, ma po meda' giovono' ci no' anta tentu sa fortuna ‘e connosse', cust'orrugu ‘e sa cultura nosta. S'istoria contada e cantada, mancari non siad iscritta, a' tentu una purcione manna in su tempus' passau de sa Idda. Ma oe, non cumprenno sa gioventude ca, cen'issire nen poite e nen comente, in mesu ‘e tottu s'atteru isperdiciu paris' cun sa limma, n'a' cravau i' muttos' puru, e a' seberau atteros' canto' battio' dae log'agnenu.
Su cantu po mimi est tottu bellu, sia' nostu o istragnu, ma, a sa matessi manera comente aus'acolliu cun tottu is aguanto' su cantu agnenu, depiaus' tenned unu pagu ‘e arreguardu po su nostu' puru, ci non prus' atteru, po arrespettu ‘e i' manno' nostoso. A ddi are ampramanu a s'agnenu, po ne frunnire su connotu coment-e coa de argiola, ole' narred'a ne fuliare sa mama, su babbu, sa limma, su logu aube seu' nàssioso, e in pago' foèddoso, a no si ergugnare de nos'etottu. A parre' meu, i' duos' cantos' podente annare ðuntoso coment'e unu ðuo masedu ci, attenniu e bene ‘omau, iscortura su logu areste e trabaða' sa terra crua, fae' surcos'e iscoaccioloso e carragia' semene' de varia' castasa ci, a tempu suo e non tralli' s'annada, no s'arregallad'un'argiola manna, de manigas'e attobioso, e una bell'arregata, de mannugos'e cuffrontoso, de arrellatas'e connossenciasa. Solu in custa manera, podeus' coberare s'arrecatu fittianu ci serbi po nordigare, sa cressina culturale de sa cussorgia ‘esulesa. Dae custa bell'incugna, podeus parare puru, cugustas' arracciada' “de sa nostrana cultura” ca, dae troppu meda tempusu in sa Idda ‘e Don Lay, seus'a minnigu, e b'est sempere imenguanno coment'e i sa gente etottu.
Po fortuna, coment'e po tottu is cosasa, ddu est sempere calecunu ci, a innanti ‘e capitare su dannu, poned unu bell'istuppu e crae' s'aidu. Custu est si ci a' fattu, cencia orruo nen crisionese, ma cun muttos'e sonettese, unu Esulesu aberu ci oe bivvidi in-n-una terra istragna. Issu, cun meda passiencia e istima po su logu e i sa gente sua, ad'istuggiau e costoiu po no iscaessere, intru-e un' “audio cassetta prima e unu DVD como”, paris' cun sa limma imparad'a piticcu, su modu ‘e cantare pru' bellu e praticau ci aus' tentu: su cantu a muttoso.
Seo chistionanno de su poeta Giuanneddu Gioi ci meda' giovono' non connossente ca, comente a meda' desulesos' forcis' troppu' “, po su ben-e sa pagnotta”, comente narad issu, a' depiu lassare, sa idda nost'a giovoneddu.
A pusti' ci appo iscurtau e lìggiu i' mutto' de Giuanneddu, mi nne seo agatau ca intru-e s'anima mia, s'istima ci tenìa e tegno, po tottu is cosa' de sa idda nosta, s'est'affortigada ancora ‘e prusu, e po cussu m'intenn'onorau de dd'ae' ðau una ettada ‘e manu in custa faina.
Sa cabiddada ‘e Giuanneddu non est solu sa “nostalgia” o su surrugnu de unu ci est partiu, ma est su cantu ‘e cuddu veru esulesu, coment'e a pagoso, ci s'intenned orgolliosu “de su passau nostu erriccu”, onorau de esse' nàssiu in custa Idda “de musas e cantilenasa”, e de chistionare ancora oe, in-n-unu logu agnenu, cudda limma imparad'a piticcu, dae su mannoi e dae sa mannai.
Issu, cun una vena poetica, lìmpia e trubada coment'e i' cuddas' orroasa ci una orta ne leanta is carroso, a' cantau tottu ‘e sa idda nosta.
A' cantau sa gente ci a' connotu e dd'a' goffiu ‘en'a piticcu:
“ Fortuna fradile meu, Peppina sorresta mia, Mariagnela e Caicca, ti nn'arregordas' Carmelo;
A' cantau i' logos'a ube: ” currenn'iscurciu a piticcu, a' giogau a peuncheddu, cun Leon'e Muravera, e i' gittas'a s'Arena, cun mannai e cun piriccu”;
A' cantau “ is cosa' bona de una die: lard'e patata isperrada, arrescottu cun civargiu e su minestrone saboriu de tia Mariedda”.
Portad ancora in su coro su telargiu ‘e su chistionu, e su cantu de i' faidora' de su pane a megnaneddu, e tottu cudda' serenada', fattas'a boge notte fin-a s'arbessidora, a tottu i' bagadia' de Olaccio, canno ancora giovoneddu, e non pencianno mai ‘e disterrare, promittiada a cine ddu oliad'a isposu:
“una farranca ‘e bene, un imudu de affettu, una carra de istima, e unu mou de amore ”.
Non ddi funt'iscaessia' nemancu, is pregadoria' de una orta, ca a' cantau, pregau e fincese pediu a “ Babbu nostu ‘e su Celu, a i' Santo' de Idda devoto', donos' po sa gente sua ”.
Ucced ancora, intru-e is origa', sa muinaða ‘e su sonette ci a' lassau sonanno in Santu Asili, su cimme de cabudanni de s'annu 1951. Connosed ancora su sonu de tottus' i' sonatore de sa Idda, a sa matessi manera, comente unu bonu pastore passenno su taðu a segobiasa, ne oddi' dae largu s'orrobba sua, dae ‘e su sonu ‘e su ferru.
Tottu custu cadelanu de sonos'e arregodoso, coment'e una muda pregadoria, non dd'a' mai lassau acuilare dae sa die ci est partiu, ca: “ cun sa mente e cun su coro, pencio a tie onnia mamentu, favolosa idda mia”.
Ma in tottu su cantare suo, sa “nostalgia canaglia” non sempere dd'a' faed-e mere ca, comente naianta una orta, unu contu si fae' su molente, un'atteru su molentarðu, mancari fattu vattu, canno penciad'e dd'arregoda', sa “gioventude sua cara, passad'in terra natia, su coro suo protesta, dae custa terra istragna”.

Su coro po Giuanneddu est unu purdeddu mal'a domare, prova nesia', ca “ su tempusu passad' affua” po su cropusu, ma non po su coro, ca ancora oe a 75 annoso, mancari igniriau dae sa bella e amorosa cumpagnia de sa pobidda, cun figios'e nebodes' piagoso, e pibinau coment'e una creatura ‘e nassidorgiu, est sempere unciosu e cardeddanno, ca “ddi manca sa gente sua, ddi manca s'aria sana” e di manca sa limma sua.

Sa limma, pru' de tottu sa limma, ci est sa pannèla ‘e una comunidade e de unu populu, su logu de i' sinno' de su tempusu, de su trabagiu, de s'amore, de su cantu, de sa pregadoria, de su ‘onu e de su malu de una Idda.
Is antigo naranta “mossa ‘e cane pilu ‘e cane”, e issianta puru, ca cuffròma s'iscorriu si custumaiad ettare su ciappulu. Custu est su ci a' sempere opporau Giuanneddu, onnia orta ci si nne sappiu, ca s'iscorriu ‘e su disisperu fu' carrigannoddu. Tanno, comente unu pegus' alargiu ci muscad'a sa sola, po s'istraire, po si disaogare, po iscaessede e “po no s'intenne' solu, passaia' sa die a cantare, i' mutto' de Giuanneddu”.
Ma cantanno sa vena poetica ‘e Giuanneddu issòbbolada, e s'orroa, coment'e tottu i' venas'a temporada in ierru, si faed a un erriu mannu trubau, de “ antigo' sabores'e colorese”, de muttos ‘e ottadasa e de arregodos'e surrugnoso. Est tanno ci masedu ddu incede, e dd'amostada, comente “ in- n-unu isu divinu-fattu ‘e milli colorese”, tottu agrogolliaoso, is arregodos' pru bello' de tottu sa piccinina:
“ Su poeta Montanaru, Su minestrone saboriu ‘e Tia Mariedda, sa bellissima Soboedda, e i' ballo' sonao' dae Frogheri o dae ‘oppare Corgiolu”.
Ma, in mesu ‘e cust'erriu poeticu, treulau coment'e i' cuddo' biso' ci nos'idiaus'a piticcoso, canno nos'assumbranta, cun istoria' de groffarios'e bento' maloso, de ibbannios'e furonese, comente un'issigna mala, dd'est cumparta una nuge, cun battero' crobos' accroanno. A is primasa, pigau in tratamania e a sa fidada, a' timiu; appustisi, s'est fattu coraggiu a sa sola, e comente unu maccu, ad errissi' e prantu a su matessi tèmpusu.
Ad errissiu, non crenno a is ogos' suoso, cann'a' biu sa nuge a pampaluge ca, ddi paria' de esse' torrau, mancari ini su isu e po un'iscutt'ebbia, ai cuddu logu nodiu, a ube est nàssiu, a ube dd'anta pesau coment'e unu bellore, e dae ube, mesu secul'e prusu, su esperu ‘e Santu Asili, cencia mancu si dispedire e a malu coro, est partiu.
A' prantu, canno si nn'est agatau ca cuss'umbra mala, non fu' sa Nugigedda, “su niale a ube est nàssia sa vida sua”, su bellu logu, aube a' biviu in cudda omigedda piticca, ma deasi aligra, ci paria' sa mama ‘e tottu i' festasa. Ma custa pantuma, leggia comente i s'annada mala, fu' sa mama de i' disterraoso, sa ergugna de tottu i' sardoso, tìmia e orròssia dae s'antigoria, coment'e i sa peccia pudessia.
Custa, in tottu sa vida sua, a' promintu e mai ‘au, e su pappu, coccoro perdosu, si dd'a' sempere cuau, intru-e is intragna' malasa po nordigare una ottantina de proccos' pei segaoso, ci a' sempere tentu, pappanno a s'ispelegada, semper'a collu ‘e barra e a bincida' de pare, in s'apposentu ‘onu. E s'attera gente, paguene, dd'a' sempere mantenta, croccada ini funnagoso cun proccos'e molentese, cun canes'e crabas agnada', semper'a presepiu fattu cun pariccios' pipieddoso, di'e notte pregontanno ci fuant'essinno is corettasa, e ibettanno cen'ibettu, melargas'e cogomeddoso, e su tempu de ceressia.
Ma Giuanneddu non dd'a' tìmia, si dd'a' cardiad'a perraògu e, foeddanno cun pagu arrespettu, dd'ad'unfrigàu: nara tue, “ poite no m'as' nutriu-ma m'as' custrettu in gioventude-a cammiare dimora-e fissare residenza-fora de sa terra amada “ Su paru ‘e sa mala, no a' ne mussiu e nen cinniu, comente ci no' essente nanno a issa nudda. No a' tentu s'abilidade, e prus' pag'ancora sa leintade, comente a' sempere fattu, de ogare mancu iscusi' de margiane.
Ma, s'erriu poeticu ‘e Giuanneddu, arremuccau dae cudd'antiga aligria de s'arraccia ‘esulesa, trubau de mutos'e surrugnoso, tirad'e fune a pantumas'e umbra' malasa, a crobos'e groffarioso, ddo' lassa' coment'e cine funti, e poned'a una banna sa tristura. E po faed'a fadditasa cun custa gente faulargia, si nne torrad'a s'arte sua, fae' curcias'e derettas'e bannad'a bentu contrariu, sempere a manu travessa, e po dd'aligrare su passu, si cuncordad'una carronada manna “de musica paesana”, sa sola crae maista, ci faed iscaesse' tottu, abbranna' su dolore, e “fae' cuntentu su coro” ponenno in page sa gente, de tottu su munnu intreu.
Basta' cun is procco' de ludu, basta cun i' gherra', duncasa, e ”basta' cun sa violencia-basta cun su fogu a pasturas'e forestasa-ma gioventude canta tue-de amore una cancione-e balla unu ballu tunnu-tottus' pigaos' po manu”.
Custu est s'arrastu, ci Giuanneddu a' lassau, “canno fud'in piccinina-felice cuntentu e sanu- ballanno in sa Nugigedda- s'antigu passu torrau- cun Leon'e Muravera”. Ma, cantu su tempus' impressiu dd'a' fattu barrilocca, iscrettiu ‘e ibbettare, cunciberau ca “sa vida est che una fogia-appicigada cun salia- e ca s'a' perdiu su caminu, e non agata' sa caminera po torrare a logu suo”, s'est rassennau e n'a' frunniu, a intru-e s'erriu trubau, su “testamentu ispirituale” cun un atteru bellu cantu:
“ ci crasa su corpus' meu-eni' sutterrau innoe-su coro e i s'anima mia-olant'a bidda seguru”, ca “ og'istrigne sa manu-a tottu sa idda intrea ”.
In custos' urtimo' versos', pinnigao' dae vario' muttoso, si bie' tottu s'istima ci Giuanneddu a' tentu e tened'ancora, a pusti' de cimant'annos'e prusu, po cudda “ idda sua lontana “ a ube a' lassau ” una parte preciosa-de sa gioventude sua-e bona part'e su coro ”, e forcisi, calecuna orta, dd'adae' fattu finces'e suffrire.
I' mutto' de Giuanneddu sunti bellos'e signilloso, ca nassente dae su coro e dae s'anima de unu ‘esulesu aberu, ci no' m'ie' s'ora de torrare a ponne' pè, in cuddu bellu logu a ub'est nàssiu, e a ub'a' passau i megnus'anno' de sa vida sua: sa piccinina.
Tottu custo' bello' muttoso, po mimi, pòdente seguramente abbarrare cun onore, paris' a tottu cuddo' de is cantadore' prù lumenao' de sa Idda.
Ogio concruire custas' pagas' arrigasa, pedinno iscusa a cine mi liggede, e a Giuanneddu ci mancu mi connosede, ca sa presentada dd'ia' offia fae' prù bella meda, ma no' ne seo arrennessiu. Ispero ci ne sied abbarrau pragerosu ‘e sa ettada ‘e manu, e de su cuile ci ddis'appo arbittiau a i' muttoso.
De una cosa seo seguru, ca po meritu ‘e custu trabagiu, oe non ddos tene' prusu ispeuttios'e sorterisi, ma ben'assentaoso e pinnigoso in cudda bella cussorgia, de mannai e de mannoi in sa “Terra cara ‘esulesa-a ube ddu est s'arraigina sua”.
Duncasa, tragannonne i' muttos'a bidda, comente nara su diciu, deo appo fattu s'ispidu, como toccad'a Issu, a benire a ddos cumpidare, a ddi si battire sa peccia assumancu una orta pe tempusu, ca in custu bellu logu, mancari su tempu' sie' cammieddau, ddu est sempere su perigulu, de calecunu mancamenteddu.
Non ddu a' bisognu ‘e dd'arregodare ca, “ogni via ogni contrada- portant'ancora vivente-friscu s'arregodu suo”, prusapiacciu, “ sa gente e i sa terra”, sunti ancora ibbettanno, dae troppu meda tempusu, cuddu famosu “rientru”. A canno?
Poite non provais' occannu, tue cun tott'is amigo' de “s'opulentu Nord-Est”, a “bessir'a” muda, “canno a bidda torra' sa gente-e si popola sa campagna”, comente faianta is pastore' de una orta? E gasi, in su mentres' ci “is pigiones' in beranu-cun su cantu ‘e melodia-alìgranta sa campagna ”, ‘os'attero' bos'aligrais' cun is “cosa' bona' de una die”?
E deo, ca patto sa matessi maladia, sa die cun cine m'aligro? Faie sa caridade, no' mi lasseisi in logu agnenu e, mancari no' m'affronteisi a manos'e a pese, comente nara su dicciu, ettaemìnne a mesu 'e os'atteros'etòttu.
Solu su ddu penciare, comente i' su isu ‘e Giuanneddu, seo giai a ispiuncoso e funti arregodannomi cudda' salia' longasa de attero' berànoso.
Ci mi ais'auditu, comente bos'appo nau, aus'a segare una die ‘e tottu lussu ca, custu pragnu saboriu, augnau ' “cun cantos' e poesiasa”, abbau dae cuddu “'inu ‘onu ‘e sa igna ”, carignau dae “s'aria de ‘Ennargentu- Limpia e profumada” nos'ad'a fae' cantare, tottu aligros'e cuntentoso, e nos'ad'a faed iscaessere, mancari po una die ebbia, is pigioneddos' cun pulenta, sa patata in cappotto, e……atteras' cositteddas'puru.
De custa die nodia, de su pragnu liccante e de sa bella cantada, seo cummintu ca nn'aus'a fentomare a beccio' mannoso, e seo seguru puru, comente naiant'una orta, ca nos'ad'a fae' coment'e i sa manu ‘e Dèusu.
A no' bie' sanos' tottus'i' midda.

Giuanni Locce

Nadale, 2005.

GIUANNI GIOI

" I' MUTOS DE SA NUGIGEDDA "



PO CINE NO' MI CONNOSSEDE

Seo gIuanneddu Gioi, nàssiu in Desulu in una ‘omigèdda antiga de praccia ‘e crèsia ‘e Olàccio, sa Nugigedda, in su mes' e Freàrgiu de s'annu millenoegentostrinta. Ofrànu dae s'edade de deg'annoso, m'anta pesàu e curiàu i' sorre' de Mamma, Titièddoso e Titièddasa, fradiles'e parèntes' tòttusu.
M'anta sempere trattau cun istima e amore fraternu, e no' m'est mancau mai nudda a cumenciare dae s'inducaciòne.
Seo annau a iscola fincias'a sa quinta elementare e unu de i' maisto' ci appo tentu fu' su poeta Montanaru.
A deg'annoso, coment'e tottu is piccinneddos' de cussu tèmpusu, appo cumenciau a trabagiare: marrare ignas'e ortoso, su manovale, su muratore e i su molentargiu.
Da i' dege a i' bintannoso, su tempus' pru' bellu de sa vida mia passau in Bidda, appo fattu unu pagu ‘e tottu.
A bintun'annu seo partiu dae Idda po fae' su serviciu militare: fudi su mes-e Cabudanni de s'annu millenoegentos'cimantunu. Mi seo “raffermau”, appo fattu carriera, mi seo isposau, affigiau, e oe, mannoi cun nebodese, seo ancora innoe in Summaga, cittadina ‘e su Veneto.
Is anno' de sa vida mia-medasa-m'anta fattu connossere cosa' bellasa, e disprageres' puru. Is cosa' bellasa sunti duasa: s'amore po pobidda mia, e i s'istima po Desulu e sa gente mia. Desulu, su primu amore est sempere presente in su coro e in sa mente mia.
Ma, arribau a unu certu puntu ‘e sa vida mia, colpiu dae una grave maladìa a is ogoso, appo passau unu tirienu de tristura e de forte disisperu. Mai, coment'e i cussu mamentu, aio intenniu sa gana ‘e Idda e s'attaccamentu a s'arraigina.
Custo' muttetoso, ddos'appo iscrittos'e registraoso, canno sa maladia m'a' fattu torrare cun sa mente a is anno' de sa gioventude, passaos' cun sa gente mia cuntentu e sanu.
Appusti' de annoso ci non si podente contare, sa Terra nosta bona e generosa comente a sempere, m'a' fattu attobiare unu caru amigu: Giuanni Locce. Giuanni, appen'ad issipiu de i' mutteto' mioso, s'este derettu interessau, ddos'ad iscurtaoso, seberaoso ca fuanta medasa, fattu una bella presentada in sa limma nosta, e ddos'ad'iscrittoso intru-e unu librigeddu. Sa parte informatica(DVD) ci cumprennede: sa presentada, addio Uarda, e i mutto' de Nanni Gioi est opera de Peppinu Cianna de tia Maria Nassisi ci arregordo cun affettu. Graciasa bunnantese, caru Giuanni, po su trabagiu cumpettente ci asa fattu a favore meu. Graciasa de coro, a tie puru Peppinu, po s'aggiudu ci dd'a' giau a Giuanni po sa parte informatica. Po como, già ca su destinu po mimi a' seberau attera sorte, mi godo cun soddiffacione manna su fruttu de su trabaðu modernu in tecnica informatica. Custu modestu trabagiu poeticu de sa mente mia, cun s'agiudu tuo caru Giuanni, ddu ogio dedicare cun affettu e amore a Desulu Idda nosta istimada. Non seo poeta, ma mi seo postu a cantare pigau dae sa forte “nostalgia”, ca solu in custa manera appo agatau sa cura ðusta, e appo au iffogu a su coro po agatare unu pagu ‘e cunfortu e de conciolu.
Lasso a sa bunnade de sa gente ci mi fae' sa caridade ‘e mi liggere e de m'iscurtare, su compitu de ðudicare su valore de i' foeddoso e de i' rimasa.
Deo bo si cuffesso ca i' verso' sunti fruttu de su coro meu, essioso a sa luge che fròrese in beranu, in s'ierru pru' nieddu e lomgu ‘e tottu sa vida mia, e comente bellorese, ddos'appo curiaoso e chistioso.
Sa triste circustancia, s'istima po sa gente mia, su logu e i sa piccinina bivia in Midda, sa ettada ‘e manu de Giuanni e de Peppinu, anta fattu nassede i' mutto' de sa Nugigedda.
Cun affettu,

Giuanneddu Gioi

FAVOLOSA IDDA MIA:
DÈSULU

Favolosa Idda mia
Deo ti cano s'amore,
Desulu amenu fiore
De Gennargentu Regina.
Ses' colloccada in collina
In terrenu solianu,
Dae onnia logu isolanu
Eninti a t'abbisitare
E tirienos'a passare
Po salude e po arreposu.
Ses' sa Patria ‘e su famosu
Insegnante a noso caru,
Su poeta Montanaru
In tottu s'isola notu,
De te a' cantau tottu
Ogni virtud'e difettu,
Cun meda garbu e rispettu
E poetica bravura,
Ma sa nostrana cultura
De su passau est fiera,
Ca vantada un'ischiera
De preides'e avvocaoso
E noto' laureaoso.
Se' mamm'e terra diletta
De cantantes'e poeta',
Oe in prenu progressu
Anta raggiuntu successu,
Iscultores'e pittore'
Giornalistasas'e professore',
E medicos'in condotta
E poi un'istirpe nota
De antiga pastorizia,
E un'attera delicia
Est sa gioventude bella.
Soboa prima modella
Numeru unu in Sardigna,
Po rappresentare digna
Su costumene e sa bellesa
De sa marca ‘Esulesa.
In America approdada
Su “ Time” dd'a' prubbicada,
Prima bella italiana
E prima “Missi” isolana.
Ma Desulu tene in mente
De tottu s'attera gente,
C'in s'istoricu passau
In onnia campu t'a' giau.
Artigianos'e serroneri'
E maisto' de tageri',
S'arte antiga ‘e s'ordignu
De filognu e de cosignu,
Binu ‘onu e pan-e trigu
E unu costume antigu
Riccu de bellesa rara
Ci onnia femina impara
In gioventude a cosire,
Ma non solu in su ‘estire
Est basau su costume
S'industria ‘e su dolciume
Est famosa in terra istragna
Presuttu, casu e castagna
E una cogina ‘ona,
Connota in tottu sa zona
Po calidad-e po gustu
E ancora creo giustu,
Lumenare is'impresario'
E is trabaðante vario',
Ci anta fattu a istile
Istradones'e cuile'
Palaccios'e ristorante.
E abiles cummerciante'
In ierru e in istade
Anta ospitalidade
A passantes'e turista',
Idda mia bella vista
Coment'una signora
Monte' de alta dimora
Tottu s'annu ant'a tie
Abba, sole lug'e nie
E aria sana e frisca.
Dae su ‘e Fonne a s'Iscra
Pittoresca tue sese
Godibile in onnia mese
E in onnia istaðone.
Cassa diverèa e surbone
E frore' de milli tinta'
Una natura dipinta
Dae Dèusu cara Idda.
Su profumu ‘e s'aspridda
E de latte appena muntu
S'intennente in onnia puntu;
Cun is atteros' tesoro'
I' boscos' color-e oro
E i s'abba minerale
Rimediu de onnia male;
Logu santu beneittu
Oasi de altu situ
Gemma de colore amenu
Ses' perla de su Tirrenu
Gentil'e deliciosa.
Isculta s'urtima cosa :
Torr'a s'antiga e a i' festa'
Cun fisarmonica in testa.
T'imprasso cun rimpiantu
E perdona ci in custu cantu
No appo tottu cumpresu
Su populu ‘esulesu
Meritevole de vantu,
Regnu de divinu incantu
Ses' tott'una poesia.
FAVOLOSA IDDA MIA
De Gennargentu fiore
Deo ti canto s'amore
Ti ddu canto in poesia.
ADIOSU IDDA MIA.


GiUANNI GIOI

I' MUTTO' DE “SA NUGIGEDDA

1)
‘Eni bella, ‘eni bella
‘eni a su giardinu meu
Ca t'arregallo un'orrosa
Un'orrosa profumada
Profumada ‘e amore.
‘Eni bella, ‘eni bella,
Cun talentu ‘e pittore
Natura t'a' disegnada
Figura deliciosa
Che Madonna in sa capella
Regolare sencia neu.

2)
T'isprigasa ini su celu
Ca tue ses'un'istella
Figia ‘e su firmamentu.
T'isprigasa ini su celu,
Ogni istante onni' momentu
T'io sèmpere pru' bella
Naturale cencia velu.

3)
Millu millu oiggioi
E modu ‘e foeddare
Che a sa sarda mania.
Millu millu oiggioi,
Bos'invitto gente mia
Ogni momentu a cantare
I' mutto' de Nanni Gioi.

4)
Canno passas'in sa via
Poite curres' tesoro
Brinca brinca e salta salta
Cun furiosa lestresa.
Canno passas'in sa via,
Ci ti piga sa tristesa
Canta canta a boge alta
Fae cuntentu su coro
E ti torra' s'aligria.

5)
In sa bella primavera
Su cantu ‘e sa natura
Aligru e melodiosu
Conciola donnia monte.
In sa bella primavera,
Su coro meu onn'istante
De amore generosu
E tue ista segura
Ca ‘st'un'anima sincera.

6)
Is pigiones'i' meranu
Cun su cantu ‘e melodia
Alìgranta sa campagna
E tottu su iginau.
Is pigiones' i'meranu,
Appo sèmpere isperàu
De lassare terra istragna
E torrare a bidda mia
Felice cuntentu e sanu.

8)
Canno sa notte est serena
Si bie' su firmamentu
Tottu prenu de istella'.
Canno sa notte est serena,
Ci seo cun tue bella
Su coro meu est cuntentu
Liberu de tottu is pena'.

9)
Santa istella ‘e Nadale
Illùminasa in sa grotta
Gesù, Giuseppe e Maria.
Santa istella ‘e Nadale,
Ti ghio Sardinna mia
Amada terra devota
Un abbraèèu cordiale.

10)
In Desulu Idda mia
Su modernu e i s'antigu
Si trattanta cun rispettu
Po chistion-e cultura.
In Desulu Idda mia,
Fanciulla innocent'e pura
Unu tale t'a' custrettu
A campire in log'agnenu
Po sa troppu gelosia.

11)
Sa punta de ‘Ennargentu
Sa prus alta ‘e Sardinna
Dda' mesurada Fulanu
Espertu in topografia.
Sa punta de ‘Ennargentu,
Bramo a tie bella mia
Amore meu lontanu
Ca solu tue se' digna
De amor'e sentimentu.

12)
Unu bellòre bellu
Fròridi terra terra
Una orta sa die.
Unu bellòre bellu,
Ci no' mi ant'a tie
Dichiaro guerra
E faccio unu macellu.

13)
Deo non seo poeta
Canto solu po dilettu
Adoro sa poesia.
Deo non seo poeta,
Ti penèo cun simpatia
Cun amor'e tantu affettu
Sardigna mia diletta.

14)
Cun su mare in movimentu
Non tentese sa essida
Sa barca abbassa sa vela
E faed'una girada
Prudente cammia rota
E rientrad'a dimora
Ca su celu ‘e oriente
Est tottu prenu ‘e nue'.
Cun su mare in movimentu,
In Sardinna e Continente
‘Esulesos'in nottue
E de s'Italia fora'
Po su ben-e sa pagnotta
Sa Idda s'est'imesada
Praèèa' domos'e carrela'
Cenèa gent'e cencia vida
In cumpret'iffollamentu

14)
Veloce che i su entu
Presente in onnia logu
In su tuo viaggiare
Non lassas' traccia ne orma,
Nott'e die fue fue
Da un'a s'atteru corru
Piganno s'amore invanu.
Veloce che i su entu,
Temperada che vulcanu
‘Ucca caente che fogu
E canno mi asas' tue
Su celu cammia' froma
Torra s'ecrisse solare
E sa terra piga fogu
E mi eni' s'isvenimentu.

15)
Su tirienu ‘e s'amore
Cumenèa custu merie
No' est po galantaria
Ci t'arregallo s'aneddu.
Su tirienu ‘e s'amore,
Ci cantas'a megnaneddu
Custu muttu in aligria
T'asseguro ca sa die
Dda passas'in bonumore.

16)
S'amore cencia edade
Unu mannu sentimentu
Ci est beru e ci est ðustu
Poned'i' motu su coro
E palpita' nott'e die.
S'amore cenèa edade
Canno seo accant'a tie
Amau meu tesoro
Sa vida cammia gustu
E tott'in unu mamentu
S'ierru pared'istade.

17)
Costò 'unu muccadore
Ca m'arregodad'a tie
Po cantu appo a gurare
Ti port'in coro presente.
Idda mia lontana
E bivo che un'incantu
Un'antigu sentimentu
Ci sa sorte a' resu vanu
Privanno sa vida mia
De un'occasione rara.
Costò unu maccadore,
gioventude mia cara
Passada in terra natia,
Oe ca bivo lontanu
Ti pencio in ogni mamentu,
E canno intenno unu cantu
De musicas' paesana'
torr'ancora cun sa mente
E mi pared'e passare,
Cuntentu che una die
Ora' bella' de amore.

18)
Che unu isu divinu
Bella mi ses'apparìa
Mentres' caminanno fuo.
Che unu isu divinu,
Sa lug'e is ogos' tuo'
Conciola sa vida mia
In custu tristu destinu.

20)
Umilmente prego a Deu'
Soberanu Onnipotente
Po un'aggiudu in sa via
Ch'in digracia no-orruo.
Umilmente prego a Deu',
Intru-e is ogos' tuo'
Es' posta sa luge mia
Oð'a tie solamente
Tue se' su sole meu.

21)
Dae noe mi nne fuo
Suffro sa malinconia
Mi prage sa primavera
E s'aria ‘Ennargentu
Limpia e profumada
Ca es' coment'un'orrosa
Ci sana' che meigina.
Dae noe mi nne fuo,
Cale femina divina
In terra miraculosa
Basta sa tua ammirada
Po mi fae' prus' cuntentu
Ti faèèo una preghiera
E accetta sa vida mia
In su paradisu tuo.

22)
Mi prage' meda Simona
Ca est bella e genuina
Lugente che i sa luna
Est unu veru tesoro
In su estire perfetta
In gonna e in camisedda.
Mi prage' meda Simona,
Se' bona e belligedda
Cun is pilos'a frangetta
Sa ci deo appo in coro
Est un'isolana bruna
Maschigedda e ricciolina
Gentil'e simpaticona.

23)
Torro in tempu de castagna
Po essir'a Tracigeri
Po trinnire unu prantone.
Torro in tempu de castagna,
Ballao cun passione
A su sonu ‘e Frogheri
Cun-n-una bella cumpagna.

24)
Fiabesca tue sese
Giada de massim'altura
Su celu t'a' disegnada
Perfetta in onnia cosa.
Fiabesca tue sese,
Sa cara color-e orrosa
Ses' che frore profumada
Angelica criatura
Se' fruttu ‘e onnia mese.

25)
A Oriente un'istella
Annuncia su Messia
E illuminad'a die
De luge celestiale
Una notte tenebrosa.
A Oriente un'istella,
Se' gentil'e generosa
Amabil'e cordiale
Ogni istante pencio a tie
Conèola s'anima mia
Ogio a tie solu bella.

26)
Adiosu Terr'amada
Crasa parto in Continente
Po fae' su militare
In s'arma de fanteria.
Adiosu terr'amada,
Ci veramente i se' mia
Promitti de m'istimare
Cun su coro e cun sa mente
Fincia'a sa mia torrada.

27)
In s'arcu ‘e Tracugua
Appo prantau un'orrosa
Ci frorid'in primavera
Profuma' tottu sa costa
Dae Uard'a su Au.
In s'arcu ‘e Tracugua,
T'appo sempere penciau
Ogn'istante cencia sosta
Po tottu sa vida intera
In coro meu arreposa
Sa bella immagine tua.

28)
E in s'istaðone bella
A bidda torra' sa gente,
Si popola sa campagna
Sa natura est una festa.
E in s'istaðone bella,
Su coro meu protesta
Dae custa terra istragna
T'istimo Astru lugente
Aillargu che un'istella.

29)
Violas'e margherita'
E aspridda profumada
Sa natura est un'incantu.
Violas'e margherita',
Ti dedico custu cantu
Rondinella cortegiada
Ca t'appo in su coro iscritta.

30)
Giovonedda in minigonna
E camicetta firmada
Dae tale Valentinu
Mi pares'una modella.
Ðovonedda in minigonna,
Ses'intelligent'e bella
Ses'isplendore divinu
Dae tottu disigiada
Adorabile Madonna.

31)
Affascinante sorrisu
M'asa fattu innamorare,
Cun ardente passione
E bivo custu mamentu
Felic'e orgolliosu,
Cantanno cun allegria
Po te galanu frore
Profumau che viola
De onnia virtude prena.
Affascinante sorrisu,
Ci se' drominno serena
Tesoro in s'istancia sola
Isanno iso' d'amore,
Perdona sa oge mia
Ci ti turba s'arreposu,
Incrarad'unu mamentu
Mi basta' sa visione
Ca mi pared'e isare
Cun tue su paradisu.

32)
Su poeta Montanaru
In onnia poesia
A' dimostrau s'amore
Po Desulu e sa Sardinna.
Su poeta Montanaru,
Fu' persona illustr'e digna
De cultura e de onore
S'affettu e s'istima mia
Es' po te Maistu caru.

33)
Essinno a ispasssu fuo
In s'oru ‘e s'istradone
E dae Costa ‘e susu
App'iu sa Nugigedda.
Essinno a ispassu fuo,
Cara tia Mariedda
Sunti trintannos'e prusu
Ci non tasto minestrone
Saboriu che i su tuo.

34)
T'incorono che reina
Adorabile madama
T'arregallo una collana
De perlas' de pura arraccia
Bellissima criatura.
T'incorono che reina,
Olaccio postu in altura
Comente una terraccia
Dae onnia ventana
Si bie' su panorama
De Desulu cittadina.

35)
Ci sa vida passas' solu
S'animu umanu si veri',
E t'agatas' cunfinau
Cencia sole e cencia luge,
In perenne presonia
A sorte trist'e amara,
Cencia pane e nen bistecca
Abba solu canno proe'.
Ci sa vida passas' solu,
I' giovoneddo' de oe
Bàllanta in discoteca
Sa musica rocchetara.
Sa gent'e s'edade mia
Ballaianta in sa Nuge
S'antigu passu torrau
Sonau dae Frogheri
O dae ‘oppare Corgiolu.

36)
Ddu cuffesso solu como
Maccu fuo e maccu seo
Su tempus' no' m'a' sanau
Su macchin'est aligria
E cummatti' sa mala sorte.
Ddu cuffesso solu como,
Gioventude sana e forte
De Desulu Idda mia
Ci sa Idda asa lassau
Coment'appo fattu ‘eo
Fae allestru e torr'a domo.

37)
Una vida in cumpagnia
Fincia' a sa tarda edade
Armoniosa e serena.
Posca bos'agiude' Deu'
A passare a una una
Felicemente onnia cosa
Cun sa forcia ‘e s'amore.
Un sorte fortunada
In onore a sa promissa
De una condotta retta
Cencia male nen bisognu.
Una vida in cumpagnia,
Cant'est bellu s'isposògnu
Una copia perfetta
Bellu issu e bella issa
Sa crèsia est preparada
Cun àrbores'e bellore'
Sa gente canta' festosa
Mutto' de bona fortuna
E s'auguriu meu
Es' po una vida prena
De ben'e felicidade
Cun amor'e armonia.

38)
Postu n'app'unu bellòre
Accant'e sa funtanedda
Apustis seo partiu
Po saludare sa nonna
E sa familia intera.
Postu n'app'unu bellòre,
Su entu ‘e primavera
Pesau ti nn'a' sa gonna
Po pagu no' appo ‘iu
Giovonedda giovonedda
Su giardinu ‘e s'amore.

39)
Canno canto una cancione
Dda canto cun sentimentu
E cun vera poesia.
Canno canto una cancione,
Desulu patria mia
Ti dedico unu mamentu
De amor'e passione.

40)
Arribba' su temporale
M'aprigo in su medau
E canno torra' su sole
Currenno rientro a bidda.
Arribba su temporale,
Su mont'est prenu ‘e aspridda
Ne pìgada a cine ole'
Su logu es' profumau
De profumu naturale.

41)
Ci mi faes' cumpagnia
‘ominiga tottu die
Pigo e banno a su mare
Po mi faed'unu bagnu
In abba limpia e pura
Abba bella ‘e Sardigna.
Ci mi faes' cumpagnia,
Inu ‘onu ‘e sa ‘igna
Donu mannu ‘e natura
Ti buff'a cena e a pragnu
Su ‘inu fae' cantare
Canno canto pencio a tie
Cara Sarda Isola mia.

42)
Terra cara ‘Esulesa
Ses de fruttoso bunnante
In ogni tirienu e mese
Ses terra cencia peccau
De sana religione
Cortese in ogni mamentu
Ospital'e genuina
Pomposa che giovonedda.
Terra cara ‘Esulesa,
Bellissima Soboedda
Venere barbaricina
Astru ‘e su Gennagentu
Frore ‘e onn'istagione
Su tempus non t'a' toccau
Tue ancora oe sese
Sa vera rappresentante
De paesana bellesa.

43)
Ti cardio e ti adoro
T'istimo cun passione
Ses' che una prella rara
Non arresisto in Continente
Po amore mi nne fuo
Torr'a tie Reginella.
Ti cardio e ti adoro,
Amore meu se' bella
Foèddanta is ogos' tuo'
E sa ‘ucca sorridente
Ti fae' bella sa cara
E sa tua visione
M'a' fruminau su coro.

44)
Dae tottus cardiada
Incantadora presencia
Barbaricina aurora.
Dea de pag'e salude
Frore de altu pianu,
Gennargentu t'a' bestiu
Cun pannu de oro e prata,
Comente un'agadia.
Dae tottus' ammirada,
Capricciosa Idda mia
Mama ‘ona mama ingrata,
Poite no' m'a' nutriu
Cun su latte tuo sanu.
M'as' custrettu in gioventude
A cammiare dimora,
E fissare residencia
Fora' de sa terr'amada.

45)
Gemma pintada ‘e oro
Prella de milli colore'
De velu celest'estia
Nàssia po incantare
Onnia umanu vivente.
Gemma pintada de oro,
Principessa sorridente
M'asa fattu innamorare
Che nemos' in fida mia
Cun su fogu ‘e s'amore
M'as'abrugiau su coro.

46)
Isculta gent'isolana
Su ci ole' custu figiu,
Cantanno pedid'a tie
Cosa' de sa terr'amada.
Ca su tempus' faulargiu
Dd'a' negau po castigu,
Gruppa ca est evasu
Lassanno sa Nugigedda.
Isculta gent'isolana,
Tallarinos'e anguledda'
E picciudedda' de casu,
Cas'agedu e pan-e trigu.
Arrescottu cun civargiu
Lard'e patat'isperrada,
Cosa' bona de una die
Ci oe suffro su disigiu
E non perdo mai sa gana.

47)
Bellore bellu d'eranu
T'app'agatau in collina,
Diverèu po su colore
Dae tottus' tue sese.
Bellore bellu d'eranu,
Ispèrasa ma non crese
Ca su meu est veru amore,
Ci òlese sinnorina
Ti pogno su coro in manu.

48)
Si cuad'a s'impuddile
Sa luna a Occidente
Po fae' logu a su sole
Ca illumina sa die.
Si cuad'a s' impuddile,
Ancora penciad'a tie
Innamorau e ti ole'
Fae allestru e ponimente
Fanciulla torr'a cuile.

49)
Ci se' bonu fae' centru
E ispacca perra perra
Dae largu unu neu.
Dimostra coraggiu e mente
Una mira preparada
Cun provada balentia,
Lassa a onniunu su suo
Po non perde' sa contesa.
Ci se' bonu fae' centru,
Terra cara ‘Esulesa
In su funnamentu tuo
Est s'arraigina mia.
Onnia ‘ia onnia contrada
Portanta ancora vivente
Friscu s'arregodu meu,
E sa Gent'e i sa terra
Ibbèttanta unu rientru.

50)
Su isu meu pru' bellu
Fattu de milli colore',
S'es' perdiu ini sa notte
Una nott'e primavera,
Furau da' un'istella.
Su isu meu pru' bellu,
Cara mia rondinella
Ses'amabil'e sincera,
Ti lasso su coro in dote
Costoìddu cun suggellu.

51)
Dae cosa i nasse' cosa
Ci arregallas'unu frore,
Un'opera ‘e gentilesa
Sa die pare' pru' bella
Divertent'e riposante.
Dae cosa i nasse' cosa,
Su ðovoneddu galante
Cann'attobia' sa pivella,
Di faed'una careccia
E in donu ‘e amore
Dd'arregallad'un'orrosa.

52)
Su trabagiu po cuntrattu
A segunnu s'ambiente
Non fruttad'una cannela,
Ma tue lottas'invanu
Po ti poded'affermare.
Circasa sempere conciolu
In sa vida difortunada,
Cun un avvenire incertu
Tra gherras'e carestia'
In-n- unu munnu trumentau.
Su trabagiu po cuntrattu,
Olaccio disabitau
Torr'a Bidda o gente mia.
Sa Nuge est'unu desertu
Sa gioventud'emigrada.
S'ancianu passa solu
Tottu sa die a penciare,
A unu tempus' lontanu
Canno sa gente in carrela,
Contaiad allegramente.
Onnia cosa e onnia fattu.

53)
Asili Santu t'imploro
Ci ole' sa manu tua,
Potente e miraculosa
Po impedire un'imbarcu,
De disterru in terr'agnena
E dae Idda confinau.
Sa partencia in cabudanni
Dopo anno' de attesa,
Sa meta est in continente.
Asili Santu t'imploro,
O amigos'e parente'
De Patria ‘esulesa
Tenie i mente a Giuanni,
Ca in Desul'a' lassau
Da-e Uard'a s'Arena,
Da-e Noecrobu a s'Arcu
Una parte preciosa,
De sa gioventude sua
E bona part'e su coro.

54)
Canno fuo giovoneddu
Cardiao i' bagadia',
Dae su murallione
A sa 'essida ‘e sa missa.
Canno fuo giovoneddu,
Ci as' fatt'una promissa
Non sìasa mascalcione
Non ti firmese in sa ‘ia
Arrespetta su foeddu.

55)
Dae picciu ‘e sa torre
Si bied'unu tesoro,
Terra de amore erriccu.
Dae picciu ‘e sa torre,
Mariagnela e Caicca
Bo si tegno ini su coro
Coment'e a dua' sorre'.

56)
Cann'iscuriga' sa die
I sona' s'Ave Maria,
Deo ca seo cristianu
I mi signo cun sa ruge.
Cann'iscuriga sa die',
Gente cara ‘e sa Nuge
Ti pencio dae lontanu,
Cun amor'e nostalgia
Su coro circad a tie.

57)
Giuanni no' est in gara
C'a' finiu sa megnina
E non parti' su motore
Addio bell'aventura.
Giuanni no' est in gara,
Po fae' bella figura
Non basta' solu s'amore,
Ma ci ole' vitamina'
E cussa est troppu cara.

58)
Lugerosa est sa luna
E ite bellu lugore
Sa lug'e s'anima mia.
Lugerosa est sa luna,
Desulu terra natia
De Gennargentu bellòre
De coro bona fortuna.

59)
Su lamentu ‘e s'amante
Po un'amore furau
Non fae' pena a nessunu.
Su lamentu ‘e s'amante,
Una femin'a giaunu
Po no' orrùer'in peccau
Tene' s'omine distante.

60)
Amore liberamente
Dettau dae su coro
Est fruttu ‘e su destinu.
Amore liberamente,
Canno ti seo vicinu
Istimau meu tesoro
Seo tuo solamente.

61)
Canno su celu est serenu
A ora ‘e mesunotte,
Ti cardiasa sa luna
In cussu precisu istante
Deo puru pencio a tie.
Canno su celu est serenu,
In onnia ora ‘e sa die
Amore meu distante
Sa sorte mia est una
Tue ses sa mia dote
De te su coro est prenu.

62)
Sa gara est cumenciada
Cun cantos' e poesia'
In onor'e sa patrona
Tottu sa idda est presente.
Sa gara est cumenèada,
T'imprasso teneramente
Se' bella gentile e bona
Amor-e s'anima mia
Columma mia istimada.

63)
Un arbor-e Nadale
Erriccu de lug-e colore'
E dono' de fantasia.
Un arbor-e Nadale,
Tesoro ‘e sa vida mia
Troppu mannu est su dolore
Ci ti leas'a fedale.

64)
A ora ‘e megnaneddu
M'ispira' sa poesia
Ca sa mente est pasada.
A ora ‘e megnaneddu,
Columma mia adorada
Ci solamente se' mia
Mi bastada unu foeddu.

65)
Tremo dae conc'a pese
Ca timo su disonore
App'iffrancàu s'arrestu.
Tremo dae conc'a pese,
Asa cumenciau prestu
Lassa istare s'amore
Ca troppu piticca i sese.

66)
Non facciasa chistione'
E biva sa poesia
Biva su ballu torrau.
Non facciasa chistione',
Seo ancora innamorau
De Desulu idda mia
Cun affettu e passione.

67)
Sa gara est cumenciada
Divertinno tottu die
Cun cantos'e poesia'
De sa ðoventude bella.
Sa gara est cumenèada,
A mesu notte un'istella
Est in su celu ‘essia
Po luged'a tie
Colummina innamorada.

68)
Adamo puru a' peccau
Cun sa frutta proibbia
Perdenno su paradisu
Po gruppa' de su serpente.
Adamo puru a' peccau,
In mesu ‘e tanti gente
M'asa fattu unu sorrisu
E derettu appo intuiu
Ca mi seo innamorau.

69)
Cara femina ‘esulesa
Ti presèntasa pomposa
Ogni merie a bon'ora.
Cara femina ‘esulesa,
Ci su coro s'innamora
No' es po attera cosa
Ma po sa tua bellesa.

70)
Desulu in fotografia
Pared'un'aeropranu
Olaccio est su motore
Issiria e Asuai
A su postu ‘e is ala'.
Desulu in fotografia,
Ca m'asa girau is pala'
Custu non dd'accetto mai
Dopo anno' de amore
Asa passau sa manu
A attera cumpagnia.

71)
Est arriscosu a provare
Sa tentacione est forte
Innamorau po finta
Che omine in latitancia
Amoranno a cua gua.
Est rischiosu a provare,
Po sa libertade tua
Fae guerra a oltrancia
Pare' segura e cumminta
Ca ddi faese sa corte
E non ti ole' mollare.

72)
Se' Reinedda celeste
Rondinella muntagnina
Colummina de altura.
Se' Reinedda celeste,
Non sartese sa cresura
Filiferru cun ispina
T'iscorrianta sa ‘este.

73)
Sa cara colore ‘e orrosa
Ma non solu in sa entina
Ses' tottu ispeciale.
Sa cara colore ‘e orrosa,
Sa femina naturale
Cencia truccu e genuina
Est tott'attera cosa.

74)
Una nott'e ciligia
A' siccau su frore
De fruttu e de bellesa.
Una nott'e ciligia,
Sa giovona 'esulesa
Ci t'istima cun amore
Ole' ben'a ti'ebbia.

75)
S'amore cencia edade
Unu mannu sentimentu
Ci est beru e ci est giustu
Poned'i' motu su coro
E palpita nott'e die.
S'amore cencia edade,
Canno seo accant'a tie
Amau meu tesoro
Sa vida cammia gustu
E tott'i-n-unu momentu
S'ierru pared' istade.

76)
De otto marciu sa die
I' femina' sunt'in festa
Mama' sorres amore meu
De sa ‘omo se' reina
T'arregallo una mimosa
Giust'arrecconossimentu
Po su bene ci asa fattu
A su genere maschile.
De otto marèu sa die,
Se' geniosa e gentile
Dilicada ini su trattu
Erricca ‘e sentimentu
Profumada che orrosa
Educada e genuina
Nudda t'a' negau Deu'
Atter'a mimi non resta
Po amore ispos'a tie.

77)
Lionedda e mura crua
Mamoi cun arbarisca
Barracocco e amarena
Pilarda ‘ona e pabassa.
Lionedda e mura crua,
‘Omare su tempus' passa'
Ma po istare serena
Unu pagu ‘e abba frisca
S'amore arribbad'a fua.

78)
Sant'Antoni padovanu
Ti seo meda devotu
Se' Santu miraculosu
Canno prego i preg'a tie.
Sant'Antoni padovanu,
Bella e bianca che nie
Faes'onore a s'isposu
Ammirada dae tottu
Bellore friscu ‘eranu.

79)
Un'istoria lontana
Ses perdia in caminu
Gruppa' de una pressona.
Un'istoria lontana,
Fu' bella e giovona ‘ona
Ma unu contrariu destinu
A fattu sa cosa vana.

80)
Che unu isu divinu
Bella mi ses'apparia
Mentres' caminanno fuo
Che unu isu divinu,
Sa lug'e is ogos' tuo'
Conèola' sa vida mia
In custu tristu destinu.

81)
Tue i ses'unu frore
Po bellesa ‘e ammirare
Ses' un'idea divina
Unu donu naturale
Un'istella po guida
A s'omine destinau
Fortunau ci t'isposa.
Tue i ses'unu frore,
Fanciulla deliciosa
T'appo sempere isau
Ses' po mimi amor'e fida
Una cumpagna ideale
Simpaticona e carina
Ti giuro de t'istimare
Cun affettu e tant'amore.


82)
Umilmente prego a Deu'
Soberanu Onnipotente
Po un'aggiudu in sa ‘ìa
Ch'in disgracia non orrùo.
Umilmente prego a Deu',
Intrue ‘e is ogos tuo'
Es' posta sa luge mia
Ogi'a tie solamente
Tue se su sole meu.

83)
Faccio una gita a Nuòro
A merie m'arretiro
Canno sa luna s'allue'
E tottu su celu intreu
Illumina su caminu
E m'ispirad'un'idea.
Faccio una gita a Nuòro,
S'amor'est un'orchidea
E su coro unu giardinu
Tue se'su coro meu
S'amore meu ses' tue
Se' s'aria ci arrespiro
Unicu meu tesoro.

84)
Dominiga die festa
Canno sona sa campàna
Sa gent'annad' a missa
E poi sa brufessone
Gira po tottu sa idda.
Dominiga die festa,
Giovoneddu leadidda
Non pèrdasa s'occasione
Nar'a tottus' ca est issa
Sa prù bella paesana
Seria gentil'e onesta.

85)
Unu pigion-e cucusa
I sa fattu su niale
Accanta ‘e unu frore.
Unu pigion-e cucusa,
Amare no' est dolore
S'amore non fae' male
Su lamentu est un'iscusa.
86)
Gruppa' de su temporale
Sa barca cammia rota
Pigad' un'àttera ‘ìa
Lassad' erettu su mare
Po non perde' su tesoro
Su rientru cun onore
Dd'annuncia sa campanedda
Cun gioiosu rintoccu.
Gruppa' de su temporale,
Cann'atobias' a piccioccu
Piccinnedda piccinnedda
Non cammiese colore
Manten'a frenu su coro
E lassaddu palpitare
Ci ti manca s'emergia
Ole' narre' ca ses' cotta
In amor'est naturale.

87)
In una nott-e lugore
Po casu t'app'atobiau
Non fud' un'appuntamentu
Ma in su celu un'istella
De lugore carrigada
A' favoriu sa sorte.
In una nott-e lugore,
Imprassami forte forte
Columma mia adorada
Custa est s'ora pru' bella
Miralculosu mamentu
Un'istante destinau
A sa prova ‘e s'amore.

88)
S'attobianta in s'istradone
I' giovoneddos'in festa
Sa ‘ominiga mattina
In tenuta ‘e parata.
S'attobianta in s'istradone,
So che se'innamorata
Signorina..signorina
Ma non perdere la testa
Prendi tutto con ragione.

89)
Dae s'arcu ‘Ennargentu
Sa montagna es' tott'una
Tottu nodos' e pastura.
Dae s'arcu ‘Enargentu,
S'amore fattu a friscura
E in una nott-e luna
Es tott'unu godimentu.

90)
Bella sese in camisedda
Cun aria de misteru
Ma canno pone' sa gonna
In trasparemèa si nota
Su cropus' tuo perfettu
Comente un'iscultura.
Bella sese in camisedda,
Ses' alta e de bell'aspettu
E innamorada cotta
Adorabile Madonna
Su ci canto est tottu ‘eru
Complimenti piccinnedda.

91)
‘Esulu barbaricina
Ses'altera e maestosa
Monte' boscos'e funtana'
Su tuo bell'apparire
Coment'e una pintura
Pomposa che un'amante.
‘Esulu barbaricina,
Onnia mamentu un'istante
Cun nostalgia e tristura
Pencio a tie a non finire
O Idda mia lontana
Ospital'e generosa
De Gennargentu Reina.

92)
In una sarda lettura
Appo ‘iu disinnàda
Una fogia ‘e alase
Passao' mi funt'i' mente
I' monte' de Idda mia.
In una sarda lettura,
Una gita in cumpagnia
Cun amigos'e parente'
Mi pone' su coro in fase
E una bella cantada
I nn'issida sa natura.

93)
Casteddu est sa capitale
De sa sarda Isola nosta
In battero' praccia
In provinciale' zona'
Cun Sassari e Nuòro
E sa novella Oristanu.
Casteddu est sa capitale,
Dae te bivo lontanu
Ma ti porto ini su coro
Gente cara gente ‘ona
De s'amada Terra mia
A Deus' t'appo proposta
Onnia bene e mai male.

94)
Sa gioventude moderna
In su progressu pesada
Usa macchinas potente'
Mancari faccianta ispennere
Ponenno in pencione
Is parente' de piriccu.
Sa gioventude moderna,
Desulu tue ses'erriccu
De bellas' tradicione'
Ci depese mantennere
Ci no' su tempus' currente
Ddi si giada un'ispacciada
Po tottu sa vida eterna.

95)
Sa gioventud-e Olaccio
Ispassigiada in s'istradone
A pusti' de mesudie
Ca est s'ora pru' bella
Po atobiare s'amore.
Sa gioventud-e Olaccio,
Desulu amenu frore
De ‘Ennargentu s'istella
Idda bella che a tie
No' agato in sa Regione
Ti saludo e t'abbraccio.

96)
Dae-e praccia ‘e funtana
Una foto appo iscattau
A cresia e campanile
De su Carmine Maria
Pared'una cartolina.
Da-e praccia ‘e funtana,
Olaccio ses'in collina
Pittoresca terra mia
Ospital'e genuina
As'in tottu sarbau
Sa natura tua umana.

97)
Nostra Sennora diletta
Su lumene appo iscrittu
In un'arbore robustu
Annu, mes'e i sa die.
Nostra Sennora diletta,
Sa Madonna ‘e su nie
I si festad'in austu
Ca in ierru est frittu
Po pranner'in sa pinetta.


98)
Sa Sardinna est un'incantu
E ne seo innamorau
Po sa natura e su clima
Po i' logos'e sa gente
Est'un'Isola ‘e oro
Ogni sardu t'est devotu
Amada terra natia
Ses'unu donu ‘e Deu'.
Sa Sardinna est'un'incantu,
Fortuna fradile meu
Peppina sorresta mia
E sa familia tottu
Bo si porto ini su coro
E seo arreconnossente
Po s'affettu e-i s'istima
Ci m'ai' sempere ‘au
Bo si arrengracio tantu.

99)
Sa notte timo a margiane
Pagu paso e non dromo
Mancari ddu est su calleddu
Po difes'e cumpagnia
E b'est meda intelligente.
Sa notte tim'a margiane,
Ancora porto in sa mente
I' mutteto' d'aligria
Cantaos'a megnaneddu
Da'i' bigina' de ‘omo
Faenn'a manu su pane.

100)
De su Carmine Maria
Ti seo meda devotu
Olaccio t'a' dedicau
Sa cresia cun onore
Ti prego de m'iscurtare
Fae miraculo' manno'.
De su Carmine Maria,
A pusti' de medas'anno'
Ancora oe i mi pare'
De provare su sapore
De su pane profumau
Friscu friscu appena cottu
Pan'e trigu 'e Idda mia.

101)
Sa vida passo cantanno
Circo de mi divertire
Meda' borta' cenèa gana
Dipenne' dae su sonu
E dae su sonadore
Sa musica no' m'inganna'
Mi ada aðud'e cunfortu
Minn'illarga sa tristesa
In onnia bruttu carragiu.
Canno sa vida t'illuda'
E i sa malinconia
Ti fae' perde' su Credo
Ti piga po una manu
Ti salva' dae onnia dannu
Est'unu giog'a su lotto.
Sa vida passo cantanno,
Santo' de Idda devoto'
Maria e Asili mannu
Cun Antoni e Bustianu
Po favore bo si pedo
Donos' po sa Gente mia
Felicidad'e salude
Ci no' manche' su trabagiu
Amor'e tant'erricchesa
E frutto' bonos'in s'ortu
E una fortuna manna
A massaðos'e pastore'
E meda castagn'e binu
E una dentiera sana
Po pappar'e imartire
Adios'e a medas' anno'.

102)
In cilleri unu merie
Appo pagau su contu
Una summa ispantòsa
Poberittu Giuanneddu.
In cileri unu merie,
Issidadi giovoneddu
Sa femina ole' cosa
Educau ma non tontu
Ci nò issa i si nn'errie'.

103)
Pastassuta e pane modde
Presut'e pecci'arrostia
Cun binu ‘onu isolanu
Una cena disigiada
Fatta in un'occasione
In su mes'e cabudanni.
Pastassuta e pane modde,
Ti nn'arregoda' Giuanni
De s'atobiu ‘e Elusone
Battero dies' passada'
Cun pragere paesanu
E s'abbisita gradia
De sa familia Todde.

104)
Appo pigau unu frore
Su ci appo iu prima
Ca est cencia diffettu
E po su profumu ci tene'
Massimamente a de notte
Intimamente dd'adoro
Profumu deliciosu.
Appo pigau unu frore,
Ci mi oles'a isposu
Su primu donu est su coro
Poi ti regalo in dote
Una farranca ‘e bene
Un'imudu de affettu
Una carra de istima
E unu mou de amore.

105)
Bella mia ‘esulesa
Cantu orta' m'asa iu
A ispassu in praccia tua
Po t'ammirare un'istante.
Bella mia ‘esulesa,
Po duos' coros'amante'
Su tempus es' passau a fua
Ma s'amore appo chistiu
Malaita sa eccesa.

106)
Una di-e primavera
A ora ‘e megnaneddu
N'app'istuppau su pucciu
In su accu 'e Divisu
Ca sa terra fu' sidia.
Una die ‘e primavera,
Pencianno a sa piccinina
Mi pare' che unu isu
Currenno iscurè'a carrucciu
O gioganno a peuncheddu
Cun Leon'e Muravera.

107)
Dedico custa cantada
Seo felic'e cuntentu
Po amigos'e parente'
E a tottu is abitante'
De Santu Asili via.
Dedico custa cantada,
Canaglia nostalgia
No'mi lassas'un'istante
Su coro meu e sa mente
E onnia penèamentu
Sunti po sa terr'amada.

108)
Su passau nostu erriccu
De musas'e cantilena'
Intonadas'a sa page
Ca de su male passau
Ne sunti prenos'i' celo'.
Su passau nostu erriccu,
Ti nn'arregodas' Carmelo
De s'iscrissone furau
E bertula' de corage
E i' gittas'a s'Arena
Cun mannai e cun piriccu.


109)
Gentilesa e cortesia
Est sa base principale
De bona educacione.
Po un'omin-e onore.
Sa pressona intelligente,
Si presentad errie errie
E pone page in sa gherra,
E cun umana bunnade
Fae' bene cencia impegnu.
Omine onestu e concruo
Ca un pressona vera
Non porta nen rete nen velu.
Gentilesa e cortesia,
Babbu nostu de su Celu
Ti cant'una preghiera,
Santu su lumene tuo
Cunced'a noso s'urregnu,
Segunnu sa voluntade
In su Celu e in sa terra.
Su pan'e onnia die
Permitt'a tottu sa gente,
E pone in page i' debbidore'.
Firma sa tentacione
E libero' dae onnia male
Sia' fattu e gasi sia'.

110)
Unu cumitau espertu
De sinnigos'e assessore'
Propònente de recintare
Gennargentu terra nosta
Ponenno in fuga sa gente
Cencia crasa e cencia postu
In circa de un'imbarcu
Dae nemos' disiðau.
Unu cumitau espertu,
Bint'annos' fae' bocciau
Su progettu ‘e su parcu
Tonara dd'a' ripropostu
Ma Desulu ðustamente
No' accetta sa proposta
E cummatti' po sarbare
Segantinos'e pastore'
Da un avvenire incertu.


111)
Sa vida bella esiste'
Non ti pighe' sa timencia
Ci ti crese cummattente
Depese conchistare
Sa meta die po die
E cun eroicu mottu
Sa gloria custu ole'
Po un'esistencia bella
Aillargu dae onnia gherra
Tranquill'e aprigau.
Sa vida bella esiste,
Deu' su munnu a' creau
I mares'e i sa terra
Su Celu cun is'istella'
Sa luna e su sole
E s'umanidade tottu.
E poi a' creau a tie
Femina po conèolare
Onnia umanu vivente,
Cencia sa tua presencia
S'esistencia est troppu triste.

112)
I bagadia' de Idda
Passigiant'a tres'a trese
Po si fae' cumpagnia.
I bagadia' de Idda,
Basta' cun sa gelosia
Ca esagerada sese
Ti naro bella finidda.

113)
Desulu terr-e pastore'
E de milli cosa' bona'
A su turista ospitale
Po su custumene famosu.
Desulu terr-e pastore',
M'a postu prestu a reposu
Ma sa cosa principale
Po me est'a torrare in zona
A su logu ‘e s'amore.


114)
Dae levane a ponente
Non s'ibbied'una nue
Su celu est tottu serenu.
Dae levante a ponente,
Su coro meu es' prenu
Occupau dd'asa tue
Po sa vida eternamente.

115)
A ora ‘e mesudie
Su puddu cantad'a festa
Sibbie' ca est cuntentu.
A ora ‘e mesudie,
Non passad'unu mamentu
Ca su coro meu protesta
Canno non bied'a tie.

116)
Luminosa est sa die
Su sole color-e oro
In unu celu azzurrinu.
Luminosa est sa die,
Pode-esse' po destinu
Ci onni' istante tesoro
Pencio solament'a tie.

117)
Italia mia bella
‘Estia ‘e tricolore
Tra un'a s'atteru mare.
Italia mia bella,
Cara ti ogio mannare
Tanto' baso' de amore
Cantu in celu ddu ad'istella'.

118)
In una nott-e lugore
Crara comente sa die
Su tempus' appo passau
A cardiare un'istella'.
In una nott-e lugore,
Mi pragese ca se' bella
Su coro m'as'incantau
Sa mente penciad'a tie
Seo maccu de amore.

119)
Margherita Margherita
Margherita torr'a domo
Non facciasa pragned'a mamma
Ca ti ole' troppu ‘ene.
Margherita Margherita,
Cudda prominta mantene
Non cammie' su programma
Ca s'arresposta ogio como
Siad'a boge o iscritta.

120)
Su coro appo postu a s'asta
A su megnus'offerente
Un'occasione rara.
Su coro appo postu a s'asta,
Belligedda mia cara
Ti naro semplicemente
Ca se' mia puntu e basta.

121)
Est tottu meritu suo
Naie gracias'a Deu',
S'annada est'un'incantu
E canno sa die est crara,
Tottu prontos'a partire
Ca est s'ora de messare
Su trigu color-e oro.
Est tottu meritu suo,
S'amore tocca su coro
Non ddu lassad'appoðare,
S'amore fae' morire
Ma ci accettasa cara,
Faes' su trapiantu
T'iffergio su coro meu
A su postu ‘e su tuo.

122)
Poite non ses carina
Lass'istare ogni rancore
Non facciasa s'iscontrosa.
Poite non ses carina,
A unu cammu ‘e orrosa
Ci nne ddi sega'su frore
Dd'abbarra' solu s'ispina.


123)
Is amaretto' de Idda
Fattos' cun mel-e castagna
Funt'i' megnu' de Sardinna.
Is amaretto' de Idda,
Amore tue ses' dinna
Po amiga e po cumpagna
Po amant'e po pobidda.

124)
Desulu tene' tre' figio'
Su primu mascu est Olaèèo
Su segunnu est Asuai
Sa femina est Issiria.
Desulu tene' tre' fiðo',
Ses tue s'anima mia
S'amore non passa mai
Nessunu peccau faccio
Ci ancora ti disigio.

125)
Su bellu fragu ‘e su pane
Cann'est a pusti' cottu
T'istuccicad'a pappare
Mancari non tegnas' gana.
Su profumu ‘e su pane,
Ses' che prubbica funtana
Onniunu pode' buffare
Passas' su sidi a tottu'
Sianta proccos'o cane'.

126)
Canno fuo piccinneddu
Mi divertio a giogare
Cun-n-unu brusiaðolu
Tottu fattu ‘e iscraria.
Canno fuo piccinneddu,
Mi manca sa gente mia
E po no' m'intenne solu
Passo sa die a cantare
i' mutto' de Giuanneddu.

127)
Sa gherra nucleare
Distrue' s'ecologia
Ferenàu est onnia fruttu.
Funt'abbrugianno sa terra
Su mar'est'incuinau
E anta buccau s'ozono,
E sa foresta Amazzonica
Est allarmanno sa gente,
Deu' meu a cale sorte
Su munnu est destinau.
Sa guerra nucleare,
Po sa page appo cantau
Ca mi rattrista sa morte,
Morinno est s'ambiente
De distrucione cronica.
Potente' ci sei' bono'
Iscurtae su lamentu,
D'onnia frade torturau
Dae disastros'e gherra'.
Onnia cosa anta distruttu
E non basta sa oge mia
Custu disastru a frenare.

128)
Sa tuvera fae' fogu
Feurredda po munnare,
E po linna ‘e provvista
Onnia tipu ‘e corage
E astula' de castagna.
Sa tuvera fae' fogu,
Sa femina po cumpagna
Ci est bona ses'in page,
Ma ci est un'egoista
Es' capac-e ti cravare
Correddoso in onnia logu.

129)
Ti ao un'appuntamentu
A Funtana ‘e Melanu
E solos' in sa friscura
Ti dichiaro s'amore.
Ti ao un'appuntamentu,
Po sanare onnia dolore
Tue se' s'unica cura
Po torrare alligru e sanu
Ogi'a tie ogni mamentu.

130)
Canno unu est lontanu
Circad'amor'e conèolu,
In una fotografia
De s'antiga innamorada.
Canno unu est lontanu,
Cantu orta' ses' passada,
Currenno in sa mente mia
E poi m'agato solu
Ma tottu custu est'invanu.

131)
A s'innamorada mia
Non dd'appo mai ‘asada
Po non cummitte' peccau.
A s'innamorada mia,
Sa camma dd'appo toccau
Ma s'est tropp'ispantàda
E pragnenno si nn'est fuia.

132)
Faenno un'iscampagnada
Appo connottu s'amore
De cuddos'a prima vista.
Faenno un'iscampagnada,
Su coro si conquista
Cun sentimentu e calore
Basta solu un'oghiada.

133)
Calo a s'istacione
E calo in bricicretta
Poi pigo su trenu.
Calo a s'istacione,
Lassa su ciu agnenu
Non facciasa sa civetta
E frena sa passione.

134)
Sa funtana ‘e s'ortu
Limpia e cristallina
Est che abba minerale.
Sa funtana ‘e s'ortu,
Tue curasa onnia male
Ses' tue sa meigina
Torras'a biu su mortu.

135)
Su tempus passad'a fua
Sa vida est'unu mamentu
Difficil'e trobellada.
Su tempus passad'a fua,
Anima mia istimada
Sa die passo cuntentu
Cun sa cumpagnia tua.

136)
Curre curre cun su entu
Salta montagnas'e mare'
Messaggera de amore.
Curre curre cun su entu,
No' mi portese rancore
Ci egn'a t'importunare
Nott'e die onnia mamentu.

137)
In una nott'e lugore
Ci cardiasa su celu
A mesunotte un'istella
Ti passa' s'amore meu
Luminosu e penetrante.
In una nott'e lugore,
Un ‘arregodu importante
Ci noso tottu' teneu'
Ses tue Sardigna bella
Distesa che unu velu
In unu lettu ‘e amore.

138)
Se' figia de un'istella
Istella de celu puliu
Erricca de raru lugòre.
Se' fiða de un'istella,
Appo provau s'amore
Dae canno t'appo iu
Ca ses simpatica e bella.

139)
Su mont'est tottu biancu
Ammantau ‘e ciliegia
Non sias' preoccupau
No' matti' perunu dannu
Su sole iscagiad'affua
Su mantu rapidamente.
Poi unu giru mi faccio
Po ie' su logu tottu.
Su mont'est tottu biancu,
Asili Santu devotu
Dae sa gent-e Olaccio
Agiuda su Presidente
Fae ci sa festa tua
Si facciada onni'annu
Che in su tempus' passau
Cun ballos'e aligria
Po unu mese a su mancu.

140)
Sardinna ses' troppu bella
Ti ciannigasa in mesu mare,
Che agadia in frore
In costuminu ‘e bagnante.
Tottus' cardiant'a tie
Cun ogo' de incantu
Ca ses' tott'una bellesa.
Sardinna ses' troppu bella,
Una barbara contesa
T'a' postu in lutt'e piantu,
Seminanno nott'e die
Unu terrore infamante.
Sa fama tua e s'onore
Nessunu pode' toccare
Mancu su fogu cancella.

141)
S'arena ‘e su Poeto
Curad'onnia dolore
Ca est arena ‘e mare.
S'arena ‘e su Poeto,
Ci mi oles'isposare
Po amore solu amore
Fincas'a sa morte t'ibbetto.


142)
Cun sa manu t'isfioro
Profumas' che giardinu
De orrosas'e viola'
Giura ca se' mia como.
Cun sa manu t'isfioro,
Po fae' bella sa omo
Mi bastasa tue sola
Ti pogno in unu cestinu
In filigrana de oro.

143)
Illuminasa sa die
Cun sa cara tua bella
Ammantada dae unu velu
Color'e ambra solare.
Illuminasa sa die,
Passo sa notte a penciare
Cardianno su celu
In circa de un'istella
Ci s'assimiged'a tie.
144)
Crasa parto po Bologna
Ca dda ogi'abisitare
Assumancu po tre' die'
Viaggianno in carroccella.
Crasa parto po Bologna,
Po ne faed'una bella
Precisa e ugual'a tie
Bisognad'a ordinare
Sa ricetta a sa cicogna.
145)
Sa notte est silenciosa
Su celu est'isteddau,
Puddiginu cantadore
Canta canta amigu meu,
Canta finè'a s'impuddile.
Sa notte est silenciosa,
Tesoro meu gentile
Ses' tue su primu amore,
In segretu t'app'amau
Ca fusti ‘e su celu isposa.

146)
Oe ti bio cuntentu
Soddisfattu e ottimista,
Cun una cara pivella
Ti ses' bene accumpagnau,
Belles'amore e salude
Giusta de coro e de mente
Asa sa fortuna in manu.
Oe ti bio cuntentu,
Coro cantu se' lontanu
Amore meu innocente,
De sa prima ðoventude
Onnia die innamorau
De tottu i' giovana' bella'
Amores'a prima vista
Olaos' che i su entu.

147)
Passau su temporale
Ispunta s'arcubalenu
Fattu ‘e sette colore'.
Passau su temporale,
Unu cantu ‘e amore
Fae' su coro serenu
Amabil'e cordiale.

148)
A sa idda de Tonara
Anno po mi divertire
Cun bramosia e recreu.
A sa idda de Tonara,
Isculta su coro meu
Non mi facciasa patire
Tue sola mi ses' cara.

149)
In s'ortigeddu ‘e funtana
mi pigo sa friscura
A is sotto ‘e merie.
In s'ortigeddu ‘e funtana,
Cantu fu' bellu su nie
Altu pru' de sa cresura
E s'aria ona e sana.


150)
Su monte in alta dimora
Est'amantau ‘e nie
Tottu biancu est su velu.
Su monte in alta dimora,
Un'istella ‘e su celu
Assimiða' tottu a tie
Ma tue ses' pru' bell'ancora.

151)
Pittoresca idda mia
Ses campione ‘e bellesa
Reina de sa montagna.
Pittoresca idda mia,
Residente in bidda istragna
Ma de arraèèa ‘esulesa
Istimo sa terra nadia.

152)
In pala' de una nue
Ddu ad'una cinepresa
Ne piga tottu sa gente.
In pala' de una nue,
Canno mi passad'i' mente
Sa montagna ‘esulesa
Mi torrasa i' mente tue.

153)
Moracciona paesana
Bella piticca e carina
Ses' dea de simpatia.
Moracciona paesana,
Cun sa tua poesia
E cun sa oge divina
Sese un'istella nostrana.

154)
Bonasera amore meu
Mi ses' tantu mancada
O coro cantu se' bella.
Bonasera amore meu,
Canta canta rondinella
Cun sa oge vellutada
Melodiosu recreu.


155)
De forma giusta su sinu
Non ti se' modificada
Ses'ancora regolare
Giovonedda intelligente.
De forma giusta su sinu,
Cun un'ispuligaente
Ista attenta a non toccare
Sa ‘ucca siliconada
Ca crepas' su palloncinu.

156)
Dae pala' de su monte
Bella ispunta s'aurora
E cumenciada sa die.
Dae pala' de su monte,
Po abbarrare accant'a tie
Onn''istante e onni' ora
Mi serbid'unu ponte.

157)
Dua' sorre' de Olaccio
In sa prima piccinnia
Canno s'amore t'inganna.
Dua' sorre' de Olaccio,
Seo isposu cun sa manna
Ma mi prage' sa pitia
Coro meu e ite faèèo.

158)
A s'edad-e binnigi'annoso
Mi seo innamorau
De una giovonedda
Fu piticca issa puru.
A s'edad-e binnigi'annoso,
S'amore no est seguru
Ci su coro non foedda
Cun sentimentu turbau
Dae ingenuos'affannoso.

159)
Ti prego Santamaria
Perdona is peccao' meo'
Po amore cristianu
Po sa morte e passione
De Figiu tuo in sa ruge.
Ti prego Santamaria,
‘Esulesu de sa Nuge
De sarda vocacione
Mama e Deu soberanu
Fortemente in tue creo
Cunforta s'anima mia.

160)
Trenu nave, nav'e trenu
E poi cun su postale
Dae Abbasant'a Tonara
A bidda seo arribau
In machina cun Corgiolu.
Trenu nave, nav'e trenu,
Su coro meu est solu
Poite m'asa lassau
Tue sola mi ses' cara
Cun tue passa' su male
Su coro torra serenu.

161)
T'arregallo custu frore,
Coloriu e profumau
Est su pru bellu ‘e ‘omo.
T'arregallo custu frore,
Ti prego torrami como
S'affettu ci t'appo ‘au
Su tuo non est'amore.

162)
A su cantu de sa cionca,
Currenno app'istreccau
In s'erba unu cincigorru
Po gruppa' de s'iscuriu.
A su cantu a sa cionca,
Irisero t'appo ‘iu
Essinno dae su forru
Cun su pane profumau
E cun su cerrigu in conca.

163)
Cantu m'as'appoddigau
Dae conca fin'a pese
A megnanu e a merie.
Cantu masa appoddigau,
Tottus' cardiant'a tie
Sa prù' bella tue sese
De tottu su iginau.

164)
Sa pudda non fae s'ou
Ca su puddu ad'usau
Una precaucione.
Sa pudda non fae s'ou,
Giai tenes'arregione
Deo mi se' imecciau
Circadinne unu nou.

165)
Cara terra muntagnina
Amore de gioventude
Olau che i su entu
Che i' fogiasa in atognu
Cara terra muntagnina,
Amare est'unu bisognu
Fae' su coro cuntentu
Amare es' tottu salude
Est sa sola meigina.

166)
Sa gioventude bella
Fuinno sinn'est'annada
Est inutil'a penciare
Tantisi non torra prusu.
Sa gioventude bella,
Non ne facciasa un'abusu
Ci dda deppes'umperare
Non siasa esagerada
No este una caramella.

167)
Amore meu lontanu
Una littera t'iscrio
Po non ti lassare in pena.
Amore meu lontanu,
Pandora abbarra serena
Ca su coro ti nne ti ghio
Cun su primu aeropranu.

168)
T'atobio in omnia logu
Sese in tottue presente
Inseparabile amore
T'atobio in omnia logu,
Ci provasa su calore
De su coro meu ardente
Podese pigare fogu.

169)
Approntadi bella mia
Ca ti nne leo a ballare
A una festa privada.
Approntadi bella mia,
Ses'ancora innamorada
Non ddu podese negare
O puru ti ses' pentia.

170)
Adoro su tricolore
Istimo sa patria mia
Ca seo un'italianu.
Adoro su tricolore,
M'asa toccau sa manu
Sa die ci ses' partia
Lassanno su muccadore.
171)
Tocca oe e tocca crasa
E tocca omnia die
Non brullese cun su fogu
Ca ti podes'abbrugiare.
Tocca oe e tocca crasa,
Mi seo postu a cantare
Ca su cantu este un'ifogu
Canno canto penèo a tie
Ca iscaessiu m'asa.

172)
Unu trudu e una piga
Sa pira s'anta pappau
In s'ortu ‘e Peppeddu.
Unu trudu e una piga,
A ora ‘e megnaneddu
In custu logu incantau
Sa gente cantada alligra

173)
Pencianno a tie Olaccio,
Su Iginau istimau
Tottu m'app'ispenniu
Annanno a fu'a fua
Po m'accostigare a tie.
Pencianno a tie Olaccio,
Anno e torro nott'e die
A craru ‘e ‘omo tua
Ma tue non as' cumprenniu
Ca mi seo innamorau
E ca sa corte ti faccio.

174)
Su parcu ‘e Gennargentu
Est'un'istoria cuntesa
Da-e medasa opinione.
Su parcu ‘e Gennargentu,
Tottus tenente arregione
Ma in sa idda ‘esulesa
Nessunu pare cuntentu.


175)
Arbile si nn'est'annau
Sa campagna est'unu frore
Ebbiva sa primavera.
Arbile si nn'est'annau,
Deo ti creo sincera
Cun i mutto' de amore
Su coro m'as'comporau

176)
In su tempu' de iscola
A is otto de megnanu
Sonada sa campanedda
Su maistu es' presente
Cumencia' sa lecione
In su tempu' de iscola,
E forte sa passione
Su coro tuo e sa mente
Ti cumprenno giovonedda
Cun su piccioccu lontanu
T'intennese troppu sola.

177)
Sa notte est silenciosa
In celu bella sa luna
Istuda sa lampadina
E isculta in sa fentana
Custu muttu de amore.
Sa notte est silenciosa,
D'eranu ses'unu frore
Giovona ‘ona e galana
Simpatica e genuina
Desulesina bruna
Nodia e graciosa.

178)
Sa notte mala de atognu
Su ‘entu movede i' nae'
E i' fogias' calant'a terra.
Sa notte mala de atognu,
Malaita sa guerra
Ca sa gente morire fae'
Sa page este unu bisognu.


179)
Gioventude balla balla
Balla unu ballu tunnu
In copia cun sa dama.
Gioventude balla balla,
Asa perdiu sa pramma
E as' toccau su funnu
Non torrasa prus'a galla.

NON SOLU MÙTTOSO

180)

SOLU CHE FERA…i' mesu ‘e sa gente.(Sonetto)

Sa solidàde in pasa m'est calàda
Disippannòmi s'ànim'e sa mente,
Forci' nassenno i dd'app'eredàda
Cen'issìre poit'e nen comente.

Intenno su maudìnu ‘e s'istràda
Solu seo i' mesu ‘e sa gente,
Circo de dda mantenned'aminnàda
Conciolànno su coro sufferente.

Ma po tottu' no' est matessi cosa
E po medas'est sa bene-enìa,
Fines'e canno funti cun s'isposa

Inì sa vida bell-e cumpagnia.
Ca ci sa loba no' est'eretòsa
Tòrrant'a sìngri ( 1) che a primarìa.

Gravèllu ‘e nodu


CORÐOLU E TOMMASINA

181)
Non connosso a Tommasina
Dda prego de m'iscusare,
Dae su suo cantare
Mi pare' meda carina,
Sa oge sua divina
Fae' su coro vibrare.
E i su ‘Ostu sonare
Caru ‘Oppare Barore,
Faed'a Desul'onore
Ca sa musica est vera.
Toccais' sa tastiera
Cun careèèa' de amore,
Offro a Tommasa unu frore
A bos'unu complimentu,
Ca seo meda cuntentu
De su donu musicale.
Cun talentu magistrale
In cassetta regist